Link açıqlığı

Ukraina onıñ subyekti olğan Qırımğa elektrik energiyasını bermege azır, yarımada qamaçavı kibi bir şey yoq. Bunı Ukraina prezidenti Petro Poroşenko yanvar 14 künü matbuat konferentsiyasında bildirdi.

«Biz elektrik energiyasını bermege azırmız, amma Ukraina Qırımına. İsteseñiz – alıñ, istemeseñiz, ukrain mustaqilliginiñ qaytarılmasını beklermiz», – dedi prezident.

Onıñ sözlerine köre, Ukraina Qırım sakinleri-ukrainlerge «ayatnı zorşlaştırmamaq» içün er şeyni yapa ve Qırımğa elektrik energiyasınıñ berilmesi aqta yañı añlaşmağa azır. «Añlaşmada Ukraina, Qırım Muhtar Cumhuriyetinde olğan şirketke elektrik energiyasınıñ berilmesi aqqında yazılmalı», – qayd etti Poroşenko.

Devlet başı em Ukraina, em de dünya Qırım işğalini tanımağanı aqqında hatırlattı.

«Açıq-aydın aytılğan edi: iç bir qamaçav yoq. Halqara añlaşmalarnıñ şekli bar, yani, hocalıq añlamaşları edi, bütün dünya tarafından tanılğan mevamımıznı qayd etemiz», – dey Petro Poroşenko.

Qırım qamaçavınıñ teşebbüsçileri, qırımtatarlarnıñ yetekçileri, yañı añlaşma qabul etilse, vesiqada Qırımnıñ – Qırım Muhtar Cumhuriyeti olaraq qayd olunmasında israr ete.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG