Link açıqlığı

Saatnıñ esas haberi

Çarşenbe künü, yanvar 13-te, Aqmescitte 16 yaşında Elvina Razakova ğayıp oldı. O, çarşenbe künü saba evden oquşqa ketip, alâ daa qaytmadı.

Bu malümatnı qıznıñ babası Abdulaziz Razakov Qırım.Aqiqatqa tasdıqladı.

Onıñ bildirgenine köre, özleri qıznı tapıp olamadılar, bu sebepten yanvar 14-te saba politsiyağa muracaat ettiler.

Ğayıp olğan Elvina hicab ve uzun musulman qıyafetlerini kiye

Soy-soplarınıñ malümatına köre, Elvinanıñ telefonı çarşenbe künü sabadan berli qapalı.

Berilgen malümatqa köre, qız uzun musulman qıyafetlerini kiye.

Qırım işğalinden soñ yarımadada qırımtatarlar ğayıp ola. Keçken afta Qırımda Ernest Ablâzimov ğayıp oldı, 2015 senesi dekabr ayında ise Keriçte – eki er kişi: Ruslan Ganiyev ve dostu Arlen Terehov. 2014 senesi mayıs 20-de Seyran Zinedinov, 2014 senesi sentâbr 24-de – İslâm Cepparov ve Cavdet İslâmov, 2014 senesi oktâbr 3-de Eskender Apselâmov ğayıp olğan edi.

Qırımdaki Taqiqat komiteti bir sıra cinaiy iş açsa da, ğayıp olğan insanlarnıñ bulunuv yeri aqqında alâ daa bir şey belli degil. Cinaiy işler öldürüv ve qaçıruv maddelerine köre açılğan edi.

XS
SM
MD
LG