Link açıqlığı

Aqyarda mahkeme «Hizb ut-Tahrir» işi»niñ iştirakçilerine tevqif müddetini uzattıracaq ola – advokat


Qırım avdokatı Emil Kurbedinov dekabr 14 künü «Hizb ut-Tahrir» işi»niñ iştirakçilerine tevqif müddetiniñ uzattırılması boyunca nevbetteki mahkeme toplaşuvınıñ keçirilmesi aqqında bildire, olarnı terrorizmde qabaatlaylar.

Onıñ malümatına köre, üyleden soñ Aqyar şeer mahkemesinde toplaşuv Ruslan Zeytulaayev ve bu işte qabaatlanğan daa üç insan – Rustam Baitov, Nuri Primov, Afrat Seyfullayevniñ işleri boyunca keçirilecek.

Qabaatlanğanlar 2015 senesi başında Qırımda FSB hadimleri tarafından yaqalandı. Avdokat Emil Kurbedinovnıñ malümatına köre, üçü de o vaqıt Ukraina havfsızlıq hızmetiniñ nezareti altında buluna edi, amma olarnıñ «Hizb ut-Tahrir» teşkilâtına alâqası isbaatlanmağan edi. Advokatnıñ aytqanı kibi, iş 15 cılttan ibaret.

XS
SM
MD
LG