Qırım akimiyeti yarımadanıñ bazı rayonlarında yañı sıñırlavlar aqqında bildire.
Malümatqa köre cumaaqşamı künü İçki rayonında Çerkez Tobay köyüniñ 10 soqağında elektrik yarım kün devamında olmaycaq. Qazadan sebep «Yevpatoriya» stantsiyasında Kezlev şeerinde bazı evler ışıqsız qalacaq.
Bunıñ ile yanvar 15 künü Aqşeyh rayonında da tamir işleriniñ keçirilmesi planlaştırıla.
Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.
