Link açıqlığı

Qırımda yılbaş bayramlarından soñ 538-den üç mektep çalışmay, ekisinde oquş yanvar 13-den başlana. 72 mektepte qısqartılğan dersler keçirile, dedi Qırımnıñ şimdiki başı Sergey Aksenov.

Qırım Rusiye ükümetiniñ Tasil nazirligi bildirgeni kibi, Kezlevde eki mektep çalışmay, Krasnoperekopsk rayonında daa bir mektepte qazan dairesinde pompalarnı deñiştireler. Bunıñ ile Qırımda 430 bala bağçası işke başladı.

Qırımda yañı yılnıñ başında on raatlıq künü edi. Elektrik teminlevi ile olğan problemlerden sebep bazı mektepler evelden qış tatillerine çıqtı.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

XS
SM
MD
LG