Link açıqlığı

Cemilev: Rusiye ve Ukraina arasında Qırım energetik añlaşmasınıñ meselesini qapalı dep saymağa mümkün


Qırım energetik qamaçavınıñ teşebbüsçilerinden biri – Ukraina halq deputatı Mustafa Cemilev dey ki, Rusiye Kiyevniñ işğal etilgen Qırımğa qıtaiy Ukrainadan elektrikniñ berüv şartları ile razı olmaz, şunıñ içün añlaşmanıñ qabul etüv meselesini qapalı dep saymağa mümkün.

Bu aqta o Qırım.Aqiqatqa ayttı.

«Menimce, muzakere etilmemeli. Çünki bizim tarafımızdan şart qoyulğan, añlaşma qabul etilse, energiyanı Rusiye Federatsiyası tarafından vaqtınca işğal etilgen Qırım Muhtar Cumhuriyeti territoriyasına bergenimiz qayd etilmeli», – dedi halq deputatı.

Muqaveleniñ imzalanuv istiqbalini «Strategiya XXI» merkeziniñ müdiri Mihail Gonçar da körmey. Şunı hatırlattı ki, bıltır Qırımğa elektrik energiyasınıñ berilmesine añlaşmalarnı qabul etilmesi neticesinde Ukraina prezidenti Petro Poroşenko tenqit etilgen edi. Ve bu sene memleket reberligi, ekspertniñ fikrine köre, bu kibi vaziyetniñ tekrarlanmasını istemez.

Gonçar dey ki, Rusiye Qırım içün ukrain elektrik energiyasını almaq ve bücetinden paranı iqtisat emtek içün siyasiy kerilemelerge razı olmaz.

Rusiye Federatsiyası Energetika Nazirliginde Qırımğa elektrik energiyasınıñ berilmesine yañı muqaveleniñ imzalanuvı izaatlamaylar. Ukraina akimiyetiniñ de Qırım boyunca energetik muqaveleniñ ilerideki taqdiri ile bağlı sorav boyunca da izaatı yoq. Qırım.Aqiqat Ukraina Energetika ve komür sanayı nazirliginden tefsirni bekley.

Qırım 2014 senesi Rusiye tarafından işğal etildi.

XS
SM
MD
LG