Link açıqlığı

Saatnıñ esas haberi

Rusiyede maküm etilgen tatar faali Qırım işğaliniñ takbihi içün alğan ükmüne Avropa mahkemesine itiraz bildirecek


Separatizmge çağıruvlar içün üç yıllıq apis cezasına maküm etilgen Tatar cemaat merkeziniñ başı Rafis Kaşapov İnsan aqları boyunca Avropa mahkemesine (YESPÇ) şikâyetini berdi, dep bildire «Kоmmersant» gazetası.

Strasburg mahkemesine bergen arizasında Kaşapov şunı qayd etti ki, Rusiye akimiyeti madde tefsirini «keñleştirip», «Qırım territoriyası qanunsız sürette qoşulğanı» aqqında fikirniñ bildirüvini separatizmge çağıruv olaraq adladı. Şikâyette bildirgeni kibi, Kaşapov söz serbestligi aqqından qarardan ziyade faydanlasa da, berilgen üküm artqaçtır.

2015 senesi sentâbr ayında Naberejnıye Çelnı (Tataristan, Rusiye) şeer mahkemesi Tatar cemaat merkeziniñ reisi Rafis Kaşapovnıñ içtimaiy ağlarda yazğanlarına qıymet kesti – umumiy nizam apishanesinde üç yıllıq apis cezası. Onı nefret doğurmasıve dava açılmasında, em de Rusiyeniñ topraq bütünligini deñiştirmek çağıruvlarında qabaatladılar. Onıñ yazğanları lafqa kâmildir:»Qırım ve Ukraina işğalcilerden azat etilecek!», «Tünevin Gitler ve Danzig, bugün Putin ve Donetsk!», «Ukraina ve bütün türk alemini qorçalayıq», «Rusiye olğan yerde közyaş ve ölüm»

«Memorial» uquq qorçalayıcı merkezi onı siyasiy mabüsler cedveline qoştı.

XS
SM
MD
LG