Link açıqlığı

Qırım elektrik ağlarında yañı qazalar, yarıqsız – Keriç evleri, Ermeni Bazarnıñ bala bağçası


Elektrik yolaqlarından birinde nevbetteki qaza Keriçte yüz berdi, dep bildirile yanvar 11 künü Qırım Rusiye ükümeti saytında.

Olğan malümatqa köre, İndustrial şosse, Blüher, Voroşilov soqağında yerleşken evlerniñ energetik teminlevi sıñırlanğan.

Bunıñ ile tamir işleri sebebinden Ermeni Bazarda Simferopolskaya, 1, 3, 5; İvanişçeva, 16, 17, 21, soqaqları ve «Svetlâçok» bala bağçası ışıqsız qalğan.

Qırımda eletkrik yolağınıñ qazaiy söndürüvinden sebep Canköy vilâyetiniñ eki meskün yeri ışıqsız qaldı.

Qırımda yanvar 11 künü Aqşeyh rayonı ve Sudaqta bazı meskün yerleri ışıqsız qaldı.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

XS
SM
MD
LG