Link açıqlığı

Qırımda eletkrik yolağınıñ qazaiy söndürüvinden sebep Canköy vilâyetiniñ eki meskün yeri ışıqsız qaldı, dep bildire yanvar 11 künü Qırımnıñ Rusiye ükümetiniñ matbuat hızmeti.

«Qazaiy söndürüvden sebep Avuz Qırq ve Qırq Bel köylerinde energetik teminlevi sıñırlanğan. Tamir işleri alıp barıla», – denile beyanatta.

Matbuat hızmetinde bildirilgeni kibi, tamir işlerini saat 17-ge qadar bitirmeliler.

Qırımda yanvar 11 künü Aqşeyh rayonı ve Sudaqta bazı meskün yerleri ışıqsız qaldı.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

XS
SM
MD
LG