Qırımda yanvar 11 künü Aqşeyh rayonı ve Sudaqta bazı meskün yerleri ışıqsız qaldı.
Bu aqta Qırımnıñ Rusiye ükümeti saytında aytıla.
Böylece, Aqşeyh rayonınıñ RESı bildirgeni kibi, 10 kV elektrik yolağında yüz bergen qaza sebebinden Çerkez, Qadış, Munus, Amanşa köyleri elektrikten söndürilgen. Bu mesken yerlerniñ sakinlerine elektrik teminlevini saat 13:00 qadar qaytarmağa vade eteler.
Sudaqta qazadan sebep şeerniñ özü, Taraq Taş, Suvuq Suv köyleri yarıqsız qaldı.
Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.
