Link açıqlığı

Qırım hanlarınıñ resmiy cedveline onıñ adı öyle de kirsetilmedi. Onıñ aqqında bir iş bile yoq, ayrı-ayrı malümatlar bar yalıñız, tarihçılar oña büyük emiyet bermeyler. Asılında, o, hannıñ orta oğlu, 19 yaşında devlet yolbaşçısı ola ve 1523 senesi noyabr ayından 1524 senesi aprel ayına qadar üküm ete. Onıñ adı Ğazı Geray.

Videobloglarınıñ yañı bölügi Qırım hanlarınıñ Geraylar sülâlesi aqqında tarif ete. Bu adamlar kim edi, nasıl etip akimiyetke keldi ve nasıl bir iz qaldırdılar. Er bir bölükniñ merkezinde – qaramanlardan biriniñ taqdiri.

Qırım hanlığı ve Qırım tarihınıñ eñ meraqlı saifeleri – Qırım.Aqiqatnıñ yañartılğan leyhasında, Qırım tarihçısı Gülnara Abdullanıñ «Tuğra» videobloglarında.

Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki meselelerini añlamaq içün bir anahtardır

​Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki meselelerini añlamaq içün bir anahtardır.

Metn müellifi ve alıp barıcı Gülnara Abdulla, rejisser Fatima Osmanova, operator ve montaj rejisseri Eldar Halilov, ğaye müellifi Emine Ceppar.

Videoda qullanılğan levhalar: Muhteşem Yüzyıl Kösem bediiy filmi (rejisser Zeynep Günay, 2015), Aoki Ôkami: chi hate umi tsukiru made bediiy filmi (Çingishan. Ulu moğol) (rejisser Shinichirô Sawai, 2007), Hürrem Sultan bediiy filmi (rejisser Fatih Aksoy,2003), Osmanlının kuruluşu (rejisser: Yücel Çakmaklı, 1988), em de muzıka: Matti Paalanen – Drama, Plastic3 – Epic dramatic film music.

XS
SM
MD
LG