Link açıqlığı

Qırımnıñ çeşit rayonlarında yerleşken köyler yüz bergen qazalardan sebep ışıqsız qaldı, bu aqta Qırımnıñ Rusiye ükümeti saytında aytıla.

Böyleliknen İçki rayonınıñ RESı bildirgeni kibi, qazadan sebep Çerkez Tobay qısmen ışıqsız qaldı. Aluşta rayonında elektrik yolaqlarında olğan qazalarnıñ neticeisinde Ulu Özen köyniñ elektrik teminlevi sıñırlanğan. Aqmescit rayonında qazadan sebep Acı Qal ve Badana köyleri yarıqsız qala. Bunıñ ile Cürçi rayonı Totman köyüne elektrik berilmey.

Yanvar 7-de Qırımnıñ çeşit rayonlarında Cadra, Üç Cılğa, Yalan Tuş, Vinnitskoye köyleri elektrik teminlevsiz qaldı.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

XS
SM
MD
LG