Link açıqlığı

Keriç boğazında ava şaraitleriniñ bozuluvı beklenile. Yolcularnı parom keçiti tarafına barmamaq çağıralar, bu aqta «Deñiz müdirligi» saytında aytıla.

Tahminge köre, yanvar 9 künü Keriç boğazında ğarbiy yelniñ saniyede 12-17 metre qadar olması mümkün. Gece ve saba bazı yerlerde yağmur ve sılaq qar kibi yağanaqlarnıñ, kündüz yağmurnıñ yağması beklenile. Dalğalarnıñ yüksekligi 13-20 dm teşkil etecek. Ava arareti gece ve kündüz 0…+5°. Keriç limanı: ğarbiy yel 12-17 m/s. Bazı vaqıtları yağmur ve sılaq qar kibi yağanaqlar. Dalğalarnıñ yüksekligi – 3-8 dm. Gece ava arareti 0...+2°. Deñiz suvunıñ arareti +1…+2°.

Bunıñ ile Keriç parom keçitinde yolcular ve naqliyatnıñ teşkerüvi boyunca tedbirler alıp barıla.

Keriç boğazından parom keçiti Rusiye tarafından işğal etilgen Qırımnı Rusiye Federatsiyasınıñ Krasnodar diyarı ile bağlağan yekâne naqliyat arteriyasıdır.

XS
SM
MD
LG