Aqmescit merkezinde Kirov caddesinde yarımada qamaçavına bağışlanğan citylightlar peyda oldı.
Teşebbüsçiler reklama yapısında erkek aksini tasvir ettiler. bağrında şavleler parılday ve böyle metn yazılğan:
«Dairemde yarıqnı söndüre bilesiñiz, evimde, atta bütün şerde… Amma siz iç bir vaqıt yüregimde ve göñlümde yarıqnı söndürip olamazsıñız!».
Metn altında «Men qırımlım!» dep yazılğan.
Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.
