Link açıqlığı

Saatnıñ esas haberi

Qırımda FV rejimi devamında olğan zararnı sayıp çıqtılar


Qırımnıñ Rusiye akimiyeti bildirgenine köre, yarımada sanayı şirketlerine fevqulâde vaziyet rejiminiñ başlanmasından berli ketirilgen zarar 900 million rubleni teşkil etti. Bu aqta Qırımnıñ Rusiye baş naziriniñ muavini Yevgeniya Bavıkina FV aqibetleriniñ yoq etilmesi boyunca ştabnıñ toplaşuvında bildirdi, haber ete Krım İnform.

«Sanayı kompleksniñ bütün şirketleri boyunca zarar 900 million rubleni teşkil etti», – dedi Bavıkina.

Onıñ sözlerine köre, bu miqdardan 188 million mudafaa şirketlerine ait. Bavıkinanıñ aytqanı kibi, şimdi zarar tazminatı ile bağlı mesele al etilmekte.

Qırımnıñ şimdiki başı Sergey Aksenov dey ki, bu miqdar daa da büyük olacaq, çünki bayramlardan soñ şirketler kene energoqıtlığı şaraitlerinde çalışmağa mecbur olacaq.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

XS
SM
MD
LG