Link açıqlığı

Saq şeerinde yedi evniñ sakini qızdıruvsız qala. Bu aqta Qırım Rusiye ükümetiniñ matbuat hızmeti bildire.

«Qaza neticesinde Lenin soqağı (№№ 18, 20, 22, 38) ve Kurortnaya soqağı (№№ 59, 73, 75) boyunca yerleşken evlerniñ qızdıruvı toqtaldı», – deyler matbuat hızmetinde.

Ükümetniñ malümatına köre, tamir işleri alıp barıla.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur.

XS
SM
MD
LG