Qırım akimiyeti yarımadanıñ sanayı şirketleriniñ işletüv cedvelini azırlay. Bu aqta yanvar 6 künü fevqulâde vaziyetniñ yoq etilmesi boyunca ştabnıñ toplaşuvında bilrdiler, haber ete Rusiye FVN Qırım idaresiniñ matbuat hızmeti.
Ştab iştirakçileri Qırım şirketleri Noel bayramlarından soñ işlemege başalaycağını tüşüne.
«Yanvar 8 künü sanayı obyektlerniñ işletüv cedvelleri taqdim etilecek, yanvar 10-dan soñ şirketler işke başlar», – denile beyanatta
Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur.
Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.
