Alâ daa elektrik energiyası qıtlığını is etken Aqyarda medeniy ayat toqtalmay. Bu aqta şeerniñ Rusiye ükümetiniñ matbuat hızmеti bildire.
«Medeniyet müessiselerinde bayram tedbirleri devam ete: kün devamında 17 kontsert ve oyun keçirildi, mında 4 biñden ziyade insan iştirak etti», – denile beyanatta.
Aqyarda elektrik energiyasını alâ daa söndüreler.
Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur.
Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.
Qırım Rusiye tarafından 2014 senesi işğal etildi.
