Qırım Rusiye vatandaşları içün Türkiye ve Mısır yerini alamaz, çünki yarımadada çetel kurortlarğa oşamağan hızmetlerni köstereler, dedi Qırım.Aqiqat Radiosınıñ aqşam efirinde Qırımnıñ sabıq kurort ve turizm naziri Aleksandr Liyev bildirdi.
Onıñ sözlerine köre, çetelde tam pansion olsa, yarımadada ise tibbiy turizm inkişaf ete. Buña rusiyeliler alışmağan, dey Liyev.
Qırımda all inclusive sisetması olğanda – yollanma fiyatına çeşit tibbiy protseduralar ve doğru ğıdalama kirsetile. Mısırda toyıp aşağan insanlar Qırımda bu aqçağa doğru aşamağa başlar, dep tüşünmeyim. Saçmalıqtır. Bu aqta tarif etken Rusiye memurları ve turistik saasınıñ mütehassısları iç bir vaqıt Qırımğa yollanmalarnı satmay edi, Türkiye ve Mısırğa sata edi. Qırımnı Baden-Baden ile qıyaslamağa kerek, – dey o.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı tarihiy adaletniñ tiklenmesi dep adlay.
