Qırımda bu künleri furtuna havfı ilân etilgen. Bu aqta Rusiye FVN Qırım idaresi bildirdi.
«Gidrometeorologiya boyunca Qırım idaresiniñ malümatına köre, salı künü üyleden soñ ve yanvar altı künü gecesi Qırımda bazı yerlerde küçlü qar, sılaq qarnıñ yağması, tuman, buzlavuq, klegey buznıñ olması beklenile», – denile beyanatta.
Yarımadada yılnıñ başında Qırımğa has olmağan ayazlar üküm süre. Ava arareti sıfırdan aşağı 10 ve ziyade derecege qadar eksile, şimaliy qısımda 20 derecege qadar tüşe.
