Link açıqlığı

Aqmescitte qavehane ve restoranlarğa saat 21:00 soñ işlemege yasaq. Bu qarar fevqulâde vaziyetke qarşılıq boyunca ştabnıñ toplaşuvında alındı, haber ete akimiyet tarafdarı Krıminform agentligi.

Şeerniñ Rusiye memuriyetiniñ başı Gennadiy Baharev aytqanı kibi, yanvar 7-den qavehanelerniñ işi daa da ziyade sıñırlanacaq. «Bugünki künden cemaat ğıdalavınıñ işi sıñırlanacaq – qavehane, restoran, meyhaneler – yanvar 7-ne qadar saat doquzğace. Yanvar 7-den kene saat 20:00 qadar işleycek», – dedi Baharev.

O şunı bildirdi ki, yanvar 7 kününden şeer aqşam vaqtında yarıqsız olacaqtır. «Yanvar 7-ne qadar şeer yarıqlavını bütünley söndüremiz», – dedi Baharev.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur.

Rusiye FVN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

XS
SM
MD
LG