Link açıqlığı

SBU «Pravıy sektor» faallerini elektrik yolağınıñ patlavı boyunca sorğuğa çekecek – PS temsilcileri


Ukraina havfsızlıq hızmeti (SBU) «Pravıy sektor» (PS) faallerini işğal etilgen Qırım ile memuriy sıñırda elektrik yolaqlarınıñ bozuluvı boyunca sorğuğa çağırdı. Bu aqta «Gromadske TV» telekanalına «Pravıy sektor» yetekçilerinden biri Andrey Stempitskiy bildirdi.

Onıñ sözlerine köre, SBUğa çağırğanlar şimdi şaat olaraq davet etilgen. Şunı da qayd etti ki, ukrain mahsus hızmetleri bağlanğan insanlar arasında teşkilâtnıñ sabıq reberi Dmitriy Yaroş yoqtır.

Qırım.Aqiqat SBU izaatını elde etmege tırışa.

Qırımğa dekabr 30-dan qıtaiy Ukrainadan elektrik energiyası berilmey, Herson vilâyetinde elektrik yolağınıñ patlavı buña sebep olmalıdır. Al-azırda elektrik tiremesi tamirlengen, amma energetik muqaveleniñ toqtatılmasından sebep elektrikni bermeyler. Yarıq ile olğan problemlerden sebep bazı regionlarda qazan dairelerini söndüreler, insanlar çeşit qızdıruv aletlerinden faydalanmağa mecbur. Rusiye FİN Qırım idaresiniñ reberi Sergey Şahov aytqanı kibi, Qırım şimdi kerek olğan 1350 megavattan 931 MVt ala.

Qırımtatarlarnıñ yetekçileri yañı muqavelede Qırım ve Aqyar Ukraina qısmı olaraq belgilenüvinde israr eteler.

XS
SM
MD
LG