Keriçliler qarlı soqaqlarda fotossessiyalarnı yapa. Şeerde qar endi dört kün toqtamayıp yağа, haber ete Qırım.Aqiqat mühbiri.
Çarşılarda çanalarğa talap bar. Fiyatı sekiz yüzden bir buçuq ruble arasındadır.
Sabadan yalıda ve merkeziy Lenin meydanında bayağı insan bar. Adamlar qarda foto çıqara, çanalarda taya. Özçekim yapmağa aşıqalar, çünki sinoptiklerniñ malümatına köre, salı kününden Qırımda ava qızacaq.
Şeer merkezinde attraktsion, hatıralıq tükânları çalışa, sıcaq çay, qave teklif eteler.
Aqşam soqaq yarıqlavı ve meydandaki yılbaş naratı yana, aynı zamanda soqaqlarda bazı üçfenerler çalışmay, mesken evlerge ışıq cedvellerge köre berile.
Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı. Qırım qamaçavınıñ idarecisi Lenur İslâmov faallerniñ buña alâqası bar olmağanını qayd ete.
