Link açıqlığı

Yañı yılnıñ birinci künleri Qırımda 27 yanğın yüz berdi, olardan 25 insan tahliye etildi. Bu aqta Rusiye Fevqulâde işler nazirliginiñ Qırım idaresiniñ matbuat hızmeti bildire.

«2016 senesi dekabr 31-den yanvar 3-ne qadar 27 yanğın yüz berdi, mından 25 insan tahliye etildi ve 3 qurtarıldı. Suv obyektlerinde 1 insan, dağ-orman yerlerinde – 1 insan qurtarıldı», – qayd eteler nazirlikte.

Nazirlikte bildirilgeni kibi, yanğınlar fişenkler sebebinden yüz bermеgen.

Qırımda blackouttan sebep insanlarnıñ çoqusı farqlı aletler yardımı ile evlerini qızdırmağa mecbur.

Dekabr başında Saq şeerinde şahsiy evde yanğın yüz berdi, neticede üç bala elâk oldı – 11 yaşında egizler ve bir yaşında qızçıq. Eki büyük insan ve daa bir bala qurtarıldı.

Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı. Qırım qamaçavınıñ idarecisi Lenur İslâmov faallerniñ buña alâqası bar olmağanını qayd ete.

XS
SM
MD
LG