Link açıqlığı

Rusiyede «qırımtatarlar» sözüniñ yañlış yazılması aselet yapılğan bir şey olmasa da, şimdiki Rusiye akimiyetiniñ mefküresine mükemmel sürette kelişe. Bu fikirni Qırım.Aqiqat Radiosı efirinde Rusiye jurnalisti, filologiya ilimler namzeti Kseniya Turkova bildirdi.

«Rus tili qaidelerine köre, sözler arasında «ve» bağlayıcısı qoyulsa, sızıçıq qoyula: Qırım ve tatar. Demek, Rusiyede imlâ seviyesinde Qırım ayrı, tatarlar ayrı tura», – dey o.

«Qırımtatar» sözüniñ yañlış yazılması – yaman ğaye neticesi degildir, dep tüşünem, amma mefküreviy manzarağa mükemmel yaraştı», – qayd etti Turkova.

Rusiye jurnalisti 2014 senesi mart ayından ukrain «Radio Vesti» radiosında çalışa.

Rusiyede matbuat vastaları «qırımtatar» sözüni sızıçıq ile yazalar. Bu «qaidege» Qırım akimiyetine yaqın olğan matbuat vastaları da riayet ete.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG