Ukraina taqdirine 2014 senesi tüşken vaqialar ne derecede facialı olğanına baqmadan, olar icat içün siltem bere. Bu fikirni ukrain qırımtatar rejissörı, prodüser Ahtem Seytablayev Qırım.Aqiqat Radiosı efirinde bildirdi.
«Bugünki kün nice farqlı süjet bağışlay, er kün cesaretke azır olğan qaramanlarnı aça. İcadiy insanlar içün bu yalıñız ilham çoqrağı degil de, ukrain ikâyelerine cemaat talabıdır. Teatr salonlarında – anşlaglar. Er angi janrda yañı ukrain kinosı diqqat çeke – keyfiyetli olsa, elbette. Er kes aktual suallerge cevap qıdıra», – dedi o.
Aytqanı kibi, sanat içün bugünki kün yañı manalarnıñ qıdıruvı içün temel ola, aynı zamanda, «kereksiz qabuqlar tüşip qala».
Ukraina bücetinden qırımtatar rejissörı Ahtem Seytabalevniñ «Onıñ yüregi» kinofilmi içün kerek olğan paranıñ 30% ayıracaqlar.Film süjeti Qırımnıñ natsistler tarafından işğali vaqtında yeudiy balaçıqlarını ölümden qorçalağan qırımtatarı Sayde Arifovanıñ ikâyesi esasında qurula. Prodüsserler – İvanna Dâdüra ve Andrey Yarmak.
