Ukraina prezidenti Petro Poroşenko ukrainlerge qırımlı ukrain yırcısı Camalanıñ «Artıñnı unutma» yırını diñlemege tevsiye etti. Bu aqta devlet başı Facebook saifesinde yazdı.
«Dostlar, 2015 senesi yapmağan olsañız, baqılacaq, oqulacaq ya da diñlenilecek şeylernen paylaşam: Camalanıñ «Artıñnı unutma» – https://soundcloud.com/jamala/shljah-dodomu, Winter On Fire: Ukraine's fight for freedom – https://www.youtube.com/watch?v=RibAQHeDia8, Sergiy Loyknıñ «Aeroport»ı, – qayd etti Ukraina prezidenti.
Yetekçilerniñ öz vatandaşları ile begengen şeyleri ile paylaşmaq teşebbüsi Ğarptan kelgen. Böyleliknen, dekabr ayında AQŞ prezidenti Amerika rep icracısı Kendrick Lamarnıñ «How Much a Dollar Cost» yırını 2015 senesi onıñ eñ sevimli yırı olaraq adladı, sevimli kitabı Loren Groffnıñ «Fates and Furies» romanı, eñ eyi film Obama içün «Mаrsianin» oldı.
Mayıs 18 künü, qırımtatarlarnıñ sürgünligi yıllığında, Camalanıñ «Artıñnı unutma» yırı taqdim etildi. Camalanıñ sözlerine köre, o bu yırnı evge yolnı qıdırğanlarğa bağışladı.
KrımSOS göñüli cemaat teşkilâtınıñ malümatına köre, 2014 senesi Rusiye Qırımnı işğal etkeninden soñ yarımadanı 40-50 biñ insan terk etti. Mecliste aytılğanı kibi, yarısı – qırımtatarlardır.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
