Link açıqlığı

Qırımtatar rejissörı ve aktör Ahtem Seytablayev yañı filmni çıqarmağa azırlana. Bu aqta o Qırım.Aqiqat Radiosı efirinde bildirdi.

«Stsenariy yazılğan… Yañı memleketniñ yañı insanları aqqında hulüskâr subet olacaq. Stsenariyniñ yazıluvında Donetsk ava limanını qorçalağan arbiyler mesleat berdi», – dey rejissör.

«Cesür yürekler» programmasınıñ alıp barıcısı olğan Seytablayevniñ sözlerine köre, leyha çıqaruvında o sıq sürette «kiborglar» ile munasebette buluna, şunıñ içün yañı filmniñ ikâyesi «avada duyula».

«Biz miqyaslı arbiy stsenariy boyunca duyğulı bir ikâyeni çıqaracaq olamız», – dey rejissör.

Ahtem Seytablayev 2013 senesi «Haytarma» filmini çıqardı ve onda baş rolni icra etti. «Haytarma» qırımtatarlarnıñ sürgünligi aqqında ilk bediiy film oldı. Ukrain filmi Rusiye kinematografından şerefli «Nika» mukâfatını elde etti.

XS
SM
MD
LG