Link açıqlığı

Cuma künü yanvar 1-den Rusiyege Türkiyeniñ mahsulatından bazı çeşitleriniñ kirsetilmesi yasaqlandı. Şu cedvelge portaqal, mandarin, yüzüm, alma, armut, qaysı, şeftali, erik, cilek, pamidor, hıyar, soğan, qapısta kirsetildi. Türkiye qaranfil ve tuznıñ da ketirimelsi yasaqlana.

Evel bildirilgeni kibi, «Rospotrebnadzor» yanvar 1-den sıñır, anbarlarda, tükânlarda Türkiye mahsulatınıñ olmasına teşkerüvlerni keçirecek. Mında şunı da qayd eteler ki, yasaqlanğan türk mahsulatınıñ yoq etilmesi mümkün.

Rusiye yanvar 1-den Türkiye ile vizasız rejimni toqtattı. Mütenasip qarar bıltır noyabr soñunda Rusiye prezidenti Vladimir Putinniñ Tükriyege qarşı sanktsiyalar aqqında avalesinde qayd etilgen.

Türkiye sıñırında Rusiyege ait Su-24 cenk uçağı tüşürilgen soñ Rusiyede Türkiye vatandaşları içün migratsion qaideleri bayağı deñişti. Bundan ğayrı, Rusiye prezidenti Vladimir Putinniñ Türkiyege qarşı kirsetken cezalarına köre, 2016 senesi yanvar 1-den itibaren Türkiye vatandaşlarını işke almaq yasaqtır. Bu sıñırlar 2015 senesi dekabr 31-ne qadar Türkiye vatandaşları ile qurulğan iş munasebetlerine tesir etmey.

XS
SM
MD
LG