Qırımtatarlarnıñ milliy lideri, Rusiye tarafından işğal etilgen Qırımnıñ vatandaşlıq qamaçavı boyunca teşebbüsçilerinden biri Mustafa Cemilev aytqanı kibi, evel aktsiya idarecisi Lenur İslâmovnıñ ilân etken Qırımnıñ deñiz qamaçavı imkânsızdır.
Bu aqta o Qırım.Aqiqatqa bildirdi.
«Birinciden, bütün Qırımnıñ deñiz qamaçavı – imkânsız, bu içün arbiy gemilerniñ olması kerek, ve, bunı tek NATO ete bile, mütenasip qarar olsa», – dedi Cemilev.
O şunı da qayd etti ki, söz elastı yolları boyunca bitaraf suvlardan kelgen mahsulatnıñ ciddiy nezareti aqqında kete edi
«Bunı nasıl yapmaq mümkün olğanı ile bağlı 3-4 leyha taqdim etilgen edi. Maña imkânsız körünseler de, olar bardır», – dedi Cemilev.
Lenur İslâmov Qırım deñiz qamaçavınıñ 2015 senesi soñunda 2016 senesi başında başlanacağını tahmin etken edi. Yarımadanıñ mal qamaçavını faaller 2015 senesi sentâbr 20-de başladılar.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
