Link açıqlığı

Saatnıñ esas haberi

Rusiye Türkiye ile vizasız rejimni toqtattı


Rusiye yanvar 1-den Türkiye ile vizasız rejimni toqtattı. Mütenasip qarar bıltır noyabr soñunda Rusiye prezidenti Vladimir Putinniñ Tükriyege qarşı sanktsiyalar aqqında avalesinde qayd etilgen.

Ankaranıñ cevap tedbirleri aqqında malümat yoq.

Rusiye Tış işler naziri Sergey Lavrov noyabr 27 künü aytqanı kibi, Türkiye ile vizasız rejimniñ lâğu etilmesi memleket tarafından olğan «terroristik telüke» ile bağlı.

Türkiye sıñırında Rusiyege ait Su-24 cenk uçağı tüşürilgen soñ Rusiyede Türkiye vatandaşları içün migratsion qaideleri bayağı deñişti. Bundan ğayrı, Rusiye prezidenti Vladimir Putinniñ Türkiyege qarşı kirsetken cezalarına köre, 2016 senesi yanvar 1-den itibaren Türkiye vatandaşlarını işke almaq yasaqtır. Bu sıñırlar 2015 senesi dekabr 31-ne qadar Türkiye vatandaşları ile qurulğan iş munasebetlerine tesir etmey.

XS
SM
MD
LG