Qırımtatar Milliy Meclisiniñ reisi Refat Çubarov öz Yılbaş hayırlavında vatandaşlarına Rusiуеniñ işğaline baqmadan saqlağan ibitar ve namusı içün minnetdarlığını bildirdi.
«Vatan tışında yaşağanlar Qırımda yaşağan, bütün dünya boyunca yaşağan qırımtatarlar ile Qırımnıñ qaytaruvı içün er şey yapmağa devam etecekler. Bu işke birlikte devam etecekmiz. Çünki 2013 senesi halq tarafından saylanılğan Meclis faaliyetine devam etecek, onı bir kime toqtatmaz», – dedi Çubarov.
O şunı da qayd etti ki, Qırımğa kirip olamağanlar oña yaqınса olmağa tırışalar. Çubarov Qırım qamaçavı boyunca aktsiyanı hatırlattı, fikrine köre, o Qırım meselesini siyasiy etrafta birinсi yerge qaytardı.
«Qısmet olsa, künlerniñ birinde Rusiyeniñ qapıları tüşer ve epimiz Vatanımızda toplaşırmız. Mustafa Cemilev Qırım meselesi Avropa ve dünyada aktual olğanı içün toqtamayıp çalıştı», – dedi Çubarov.
O bütün qırımlı siyasiy mabüslerni añdı ve olarnıñ ailelerine yardım etmege çağırdı.
Video: ATR Channel
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay
