Link açıqlığı

Keriçniñ meskеn еvlerine yarıqnı Yañı yıldan beş daqqa evel berdiler – Rusiye prezidenti Vladimir Putinniñ çıqışından evel.

Qırım.Aqiqat mühbiri bildirgeni kibi, şeerniñ bazı rayonlarında Yañı yılnı çıraqlarnıñ yarığında qarşıladılar.

Umumen şeerde dekabr 31 künü elektrik energiyasını bir qaç kere söndüre ediler.Amma aşam bazı rayonlarda saat 18:00-19:00 yarı gecege qadar yarıq yoq edi.

Şeerlilerniñ aytqanı kibi, salatalarnı çıraq yarığında doğray ediler.

Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı. Qırım qamaçavınıñ idarecisi Lenur İslâmov faallerniñ buña alâqası bar olmağanını qayd ete.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene edi. Amma bu yeterli degil edi. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

XS
SM
MD
LG