Ukrain belli insanları Qırım.Aqiqat vastası ile Rusiye apishanelerinde bulunğan qırımlı siyasiy mabüslerine hayırlavlarını bildirdiler.
Böylece, aslı qırımtatarı ukrain yırcısı Camala Yañı yıl ile bir yıldan ziyade Aqmescit SİZOsında bulunğan Qırımtatar Milliy Meclisi reisiniñ birinci muavini Ahtem Çiygoznı hayırladı.
Akter ve rejisser Ahtem Seytablayev Rusiyede 20 yıllıq koloniya cezasına maküm etilgen zenaatdaşı – rejisser Оleg Sentsovnı hayırladı.
Ukrain şairi ve yazıcısı Sergey Jadan Rusiyede 10 yıllıq apis cezasına maküm etilgen Qırım anarhisti Aleksandr Kоlçenkoğa hayırlavlarını yolladı.
Qırım rejissörı Galina Cikayeva yañı yıl bayramları ile Qırım fotografçı Gennadiy Afanasyevni hayırladı.
«Fevral 26 işi» iştirakçisini Ali Asanovnı ukrain yırcısı Ruslana hayırladı.
«Fevral 26 işi»niñ diger iştirakçisi qırım faali Mustafa Degermencini jurnalist Ayder Mujdabayev hayırladı.
Rusiye siyasiy sebeplerden 21 ukrain vatandaşını apislerde tuta, dep bildirdi evel «Vatandaşlıq serbesligi merkezi». 13 mabüs Rusiye territoriyasında, sekizi – Rusiye tarafından işğal etilgen Qırımda tutıla.
