«Qırım vatandaşlıq qamaçavı» ştabında aktsiya işitarkçileriniñ Herosn vilâyetinde elektrik tiremeleriniñ patlavına alâqası olmağanı aqqında bildireler. Bu aqta ştabnıñ beyanatında aytıla.
«Qırımnıñ vatandaşlıq qamaçavınıñ Kahovka – Titan elektrik yolaqlarınıñ patlavına alâqası yoq. QVQ ştabınıñ başı bildire: «Birinci patlavlarğa, ekinci, üçünci patlavlarğa Qırım qamaçavı vatandaşlıq teşebbüsiniñ iç bir alâqası yoqtır», – denile beyanatta.
Ştabda qayd etilgeni kibi, dekabr 31-de saat 00:00 yarımadağa elektrik energiyasınıñ berilmesi boyunca muqaveleniñ müddeti bite.
«Yani, saat 00:01 Qırımğa yarıq berilmeycek. Yañı muqavele yoq. Eski muqavele esasında berüvni ğayrıdan tiklemege imkân yoq. Asılında, şimdi de yarıq yoq. Amma, de-yüre, onı saat 00:00 söndürecekler. Yani, energetik qamaçavı da yeñdi», – denile beyanatta.
Qırım vatandaşlıq qamaçavı boyunca aktsiya teşebbüsçilerinden biri Lenur İslâmov «Kahovka – Titan» yolağınıñ söndürilmesi küçlü yelden sebep olğanını tüşüne. Qırım.Aqiqat bildirgeni kibi, «Ukrenergo» şirketiniñ matbuat hızmetinde tiremeniñ tüşmesini dekabr 30 künü saat 23:35 taptılar.
Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı. Qırım qamaçavınıñ idarecisi Lenur İslâmov faallerniñ buña alâqası bar olmağanını qayd ete.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene edi. Amma bu yeterli degil edi. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
