Herson vilâyetiniñ akimiyeti bildirgeni kibi, energetikler dekabr 31 künü «Kahovka – Titan» yolağınıñ tamir işlerine başlaycaq.
«Ukrenergo» devlet şirkeiniñ haber siyaseti idaresiniñ reberi Zinoviy Butse bildirgenine köre, Herson ve Odessa tamir brigadaları işni yarınğace bitirmeli», – denile memuriyetniñ saytında.
«Cenübiy energosistema tamir brigalaları zaruriy şeyler ile teminlegen ve bozulğan tiremeniñ tamirine endi başladı. Obyektte zaruriy işlerni 24 saat içinde becermeliler», – dep bildire şirketniñ matbuat hızmeti.
Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı. Qırım qamaçavınıñ idarecisi Lenur İslâmov faallerniñ buña alâqası bar olmağanını qayd ete.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene edi. Amma bu yeterli degil edi. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
