Link açıqlığı

Herson vilâyetinde Ukraina milliy politsiyasınıñ baş idaresi bildirgeni kibi, «Kahovka – Titan» elektrik yolağınıñ beton tiremesi patlavdan sebep bozuldı.

«Şimdi Kahovka rayonı Bogdanovka köyü rayonında beton elektrik tiremesiniñ teşkerüvi devam ete. Olğan malümatlarğa köre, tireme patlavdan sebep bozuldı», – denile beyanatta.

Politsiyada bildirilgeni kibi, bu aqta malümat Mahkemeden evel taqiqatlarnıñ yekâne cedveline kirsetildi. Ukraina Cinaiy kodeksiniñ 194-1 maddesi ekinci qısmı boyunca (Elektroenergetika obyektleriniñ aselet bozuluvı) cinaiy iş açıldı. Bu cinayetniñ etilmesi içün on yılğa qadar apis cezası belgilene.

Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı. Qırım qamaçavınıñ idarecisi Lenur İslâmov faallerniñ buña alâqası bar olmağanını qayd ete.

Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene edi. Amma bu yeterli degil edi. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG