Qırım vatandaşlıq qamaçavı boyunca aktsiya teşebbüsçilerinden biri Lenur İslâmov «Kahovka – Titan» yolağınıñ söndürilmesi küçlü yelden sebep olğanını tüşüne. Bu aqta İslâmov dekabr 30 künü aqşam yolaqnıñ söndürilmesini izaatlap Qırım.Aqiqatqa ayttı.
«Küçlü yel, ğaliba. Anda tutaşuv olmalıdır. Faallerniñ alâqası barmı? Bizim bağımız yoq. Amma, Allah bardır, o da bir şeylerni biledir», – dedi Lenur İslâmov.
Böylileknen, o, yañı 2016 senesinden Ukraina resmiy şekilde Qırımğa elektrik energiyasınıñ berilmesini toqtatacağına ümüdini bildirdi.
«Menimce, yarın devlet yarıqnı söndürir. Buña ümüt besleyim. Ve biz qıtaiy Ukraina ve yarımada arasında qabul etilgen muqaveleniñ qanuniy alanda qabul etilmegenini tanırmız. Muqavele 31-de bite. Gece saat 12:00», – qayd etti Qırımnıñ qamaçavı boyunca ştabnıñ başı.
Qırımda çarşenbe künü aqşam yarımadağa «Kahovka – Titan» yolağı vastası ile berilgen elektrik energiyasınıñ söndürilmesi aqqında bildirdiler. Elektrik teminlevsiz Krasnoperekopsk, Aqşeyh, Aqmeçit, Saq, Canköy rayonları, Saq ve Kezlev rayonları qaldı.
Qırımda noyabr 22 künü saat 00:25 yarımadağa Ukraina qıtasından kelgen elektrik energiyası söndürildi. Yarımada Qırımnıñ elektrik energiyası, em de 2014 senesi Rusiyeden ketirilgen dizel generatorlar sayesinde teminlene edi. Amma bu yeterli degil edi. Qırımğa dekabr 2 künü kelgen Rusiye prezidenti Vladimir Putin Kubanden Qırımğa energetik köpürniñ birinci yolağınıñ berilmesi tedbirinde iştirak etti.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay
