Link açıqlığı

Saatnıñ esas haberi

Poklonskaya Qırımda «nizamsızlıqnı» teşkil eteceklerni ciddiy sürette cezalaycaq ola


Qırımnıñ Rusiye prokurorı Natalya Poklonskaya dey ki, kelecek sene yarımadada uquq qoruyıcılarnıñ «ealini eyecanlandıracaq» olğanlarğa nisbeten areketleri daa da qattı olacağını vade ete.

Bu aqta o «TASS» Rusiye agentligine bildirdi.

«Yañı uquqiy alanda endi bir yıldır yaşaymız ve sallanuv vaqtı keçti. Ciddiy sürette soraycaqmız, suratnı tek tezleştirecekmiz. Er angi yönelişte çalışacaqmız. Ekstremist bildirüvleriniñ, nasıldır bir tertipsizlikni meydanğa ketirmek, ealini eyecanlandırmaq ıntıluvları daa da qattı şekilde cezalandırılacaq», – dedi Poklonskaya.

2014 senesi soñunda işğal etilgen Qırımda taqiqat organları ekstremist hasiyetleri boyunca 12 cinaiy işni açtı.

Qırım Rusiye nezaretine keçkeninden soñ yarımdada FSB jurnalist, faaller, cemaat erbaplarında daimiy sürette tintüvler keçirile.

XS
SM
MD
LG