Link açıqlığı

Keriç parom keçiti bayram künleri toqtamadan çalışacaq, ava şaraitleri imkân berse. «Deñiz müdirligi» şirketiniñ matbuat hızmeti bildirgeni kibi, şimdi keçit furtuna havfı şaraitlerinde çalışa.

«Kavkaz – Qırım» yolağında «Pobeda», «Protoporos-IV», «Glükofilousa» ve «Krım» paromları çalışa. «Kavkaz – Keriç deñiz ticariy limanı» yolağında yük naqliyatını «Mayor Çapiçev» paromı taşıy.

Keriç parom keçitiniñ işinde olacaq deñişlüvlerni aydavcılar resmiy sayttan ögrene bile.

«2015 senesi dekabr 29-dan ve 2016 senesi yanvar 1-ne qadar ava şaraitleriniñ bozuluvı tahmin etile, taşıyıcınıñ malümatına köre, Keriç parom keçitiniñ işi toqtatıla bile».

Keriç boğazından parom keçiti Rusiye tarafından işğal etilgen Qırımnı Rusiye Federatsiyasınıñ Krasnodar diyarı ile bağlağan yekâne naqliyat arteriyasıdır.

XS
SM
MD
LG