Link açıqlığı

Saatnıñ esas haberi

Meclisni «zapt etmek» ıntıluvlarından soñ Qırım akimiyeti ile iç bir bağımız yoq – Celâl


Qırımtatar Milliy Meclisiniñ şimdiki Qırım akimiyeti, em federal akimiyeti ile alâqası yoq, dedi Qırımtatar Milliy Meclisi reisiniñ muavini Nariman Celâl Avdet gazetasına.

«Meclisni zapt etmek ıntıluvlarından soñ ne Qırım, ne federal akimiyeti ile iç bir bağımız yoq, sorğularğa çağıruvlarnı, tintüv ve FSB hadimleri ile subetlerni bağ dep saymasaq. Bunıñ ile akimiyet ile yalıñız qırımtatar halqı içün müim meseleleriniñ muzakeresi boyunca, şu sırağa havfsızlıq ve siyasiy taqipler meseleleleri de kire, bağ qurmağа azırmız» – dedi o

Qırımnıñ Rusiye akimiyeti Aqmescitte Şmidta soqağı boyunca yerleşken «Qırım» Fondu» binasından Meclisni quvdı. Qırımda Meclis azaları ve tarafdarlarında sıq sürette tintüvler keçe. Yarımadada akimiyetke yaqın olğan qırımtatar teşkilâtları Qırım tamır halqınıñ temsilcileri olmağa çalışa.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG