Aqmescit rayоnı mekteplerinden birisiniñ memuriyeti ukrain ve qırımtatar timsalleri ile rеsim yapqan talebeniñ ana-babasını subetke çağırdı, dep bildire «15 minut» haber saytı.
«Etraftaki dünya» dersinde «Vatan nedir?» bölüginde «Rusiye bayrağını boyala» vazifesini becergende, talebe trikolor yerinde bayraqnı sarı ve mavı tüslerine boyaladı ve bir qaç sefer tamğanıñ resmini yaptı ve «Krımnaşarodina» (Qırım bizim vatanımız) yazısını yazdı», – dep yaza neşir. Saytnıñ malümatına köre, bundan soñ talebeniñ ana-babasını mektepke çağırdılar.
Bildirilgeni kibi, 2014 senesi Rusiye yarımadanı işğal etkeninden soñ qırımtatar ve ukrain timsallerinden sebep oquv yurtlarında olğan ziddiyetler sıq yüz bere.
Yaqında Qırımnıñ Krasnoperekopsk rayonlarında turaqlarda peyda olğan ukrain timsalleri aqqında bildirilgen edi. Qırımtatar Milliy Meclisiniñ malümatına köre, bundan soq qırımtatarlarnıñ evlerine kazaklar ve FSB hadimleri keldi.
