Link açıqlığı

Saatnıñ esas haberi

Celâl: Qırımda regional meclislerniñ çoqusı sınavlarğa dayandı


Qırımtatar Milliy Meclisi reisiniñ birinci muavini Nariman Celâl aytqanı kibi, Qırım Rusiye nezareti altına keçkeninden soñ, Meclisniñ ağır vaziyetine baqmadan, onıñ regional temsilcilikleri yarımadada sınavlarğa dayanıp oldı.

Bu aqta o Avdet gazetasına bildirdi.

«Regional meclislerniñ çoqusı şu eki yılnıñ sınavlarına dayandı ve biz olarnıñ faaliyetiniñ ğayrıdan tiklenmesine çoq diqqat ayıramız. Amma şunı añlamaq kerek ki, şimdiki regional ve yerli meclislerde olğan problemlerninñ tarihı uzun ve tek subyektiv degil, daimiy hasiyetlerge maliktir», – dedi Celâl.

Onıñ sözlerine köre, öz ve tuvğanlarınıñ havfsızlığını tüşünip, milliy areketten çetleşkenler de bar.

«Umumiy ümde ve maqsatlarğa inanğanlar ise yanımızda qaldı, yañı insanlar peyda oldı. Bugün halqı ögünde mesüliуetli olğan insanlarnıñ büyük taqımı meydanğa kele», – dey Celâl.

Rusiye Qırımnı 2014 senesi baarde işğal etkeninden soñ, qırımtatarlarnıñ yetekçileri Refat Çubarov ve Mustafa Cemilevge yarımada kirişini beş yılğa yasaq ettiler.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG