Link açıqlığı

QMC prokuraturası Qırımda insan aqlarınıñ bozuluvını 30 cinaiy iş çerçivesinde taqiq ete


Qırım MC prokuraturası Ukraina halq deputatı Mustafa Cemilevniñ yarımadada 20 qırımtatarınıñ ğayıp oluvı aqqında malümatını ögrendi. Ukraina Baş prokuraturası yanında QMC prokuraturasınıñ matbuat hızmeti bildirgeni kibi, işbu işler boyunca 30 esnas açıldı.

«Şimdilik mahkemeden evel taqiqatı devam etken 30 cinaiy esnasta qanuniyet talaplarına köre ğayıp olğan Ukraina vatandaşlarınıñ qıdıruvı ve qabaatlı şahıslarnıñ mesüliуetke celp etilüvi boyunca tedbirler alına», – denile beyanatta.

2014 senesinden, Rusiye Qırımnı işğal etkeninden soñ, yarımadada insanlar, şu cümleden qırımtatarlar ğayıp olmağa başladı. Bu aqta halqara uquq qoruyıcı ve Meclis yolbaşçılığı nice sefer bildirgen edi. Ukraina SNBO da yarımadada 21 qırımtatarınıñ ğayıp oluvı aqqında bildirgen edi. Taqiqatnıñ neticesi yarımadada daa yoq.

Dekabr 15 künü Keriçte kene eki erkek ğayıp oldı – Ruslan Ganiyev ve dostu Arlen. Olarnı alâ daa tapmadılar.

XS
SM
MD
LG