Link açıqlığı

Qırım akimiyeti «narazılıq meydançıqları» iştirakçileri içün 596 ga topraqnıñ berilmesi aqqında bildire


Qırımnıñ Nazirler şurasında Aqmescit civarında «narazılıq meydançıqları» iştirakçileri içün topraq damartılarınıñ berilmesi aqqında bildirde.

Qırımnıñ Rusiye ükümetiniñ matbuat hızmeti bildirgeni kibi, söz Aqmescit rayonı Saraylı Qıyat köyünde mahsus ayırılğan topraq aqqında kete. Qırımda öz başına zapt etilgen topraqlarnıñ meselesini al etmege imkân peyda olur, dep tüşüne Qırımnıñ Rusiye baş nazir muavini Ruslan Balbek.

Aytqanı kibi, şimdi 3500 insanğa 596 ga meydanlığında bir territoriya ayırılacaqtır. Bunıñ ile, mütenasip vesiqalarnıñ azırlanuvı ile bağlı işlerniñ devamında topraqnıñ keñişletüvi nazarğa alına, denile beyanatta.

«Saraylı Qıyat köyünde böyle bir territoriyanıñ teşkil etilmesi öz başına elge keçirilgen torpaq damartılarınıñ meselesini al eter. Bu meseleniñ tarihta qalacağ aqqında aytmağa mümkün», – dey Balbek.

Keçken afta Qırımnıñ Rusiye devlet şurasınıñ mülkiyet ve topraq munasebetleri boyunca komitetiniñ reisi Yevgeniya Dobrınâ aytqanı kibi, Qırım «narazılıq meydançıqlarında» bütün qurulğan inşaatlar 2016 senesi yanvar 1-ne qadar devirilmek kerektir, aks alda bu inşaatlarnıñ saipleri iç bir vaqıt torpaqnı elde etmezler.

XS
SM
MD
LG