Qırımda Krasnoperekopsk rayonı Küçük Mamçıq köyünde bir yigirmi beş kazak qırımtatarlarnıñ evleri boyunca yürdi, dep bildire Krasnoperekopsk regional meclisiniñ reisini Saniye Ametovağa esaslanıp, Qırımtatar Milliy Meclisiniñ matbuat hızmeti.
«Bugün, dekabr 28-de, Qırımnıñ Krasnoperekopsk rayonı Küçük Mamçıq köyünde bir yigirmi beş kazak ataman Yakovlev ve onıñ muavini Rohman reberliginde qırımtatarlarnıñ evleri boyunca yürdi», – denile beyanatta.
«Kazakzlarnıñ işbu areketlerine sebep – yaqınları rayonnıñ bir qaç köyünde, şu cümleden Küçük Mamçıq köyünde de, avtobus turaqları ukrain devlet timsalleri ile yaraştırılğanı, cayav keçitleri ile sarı-mavı tüske boyalanğanı oldı», – deyler Mecliste.
Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
