Link açıqlığı

Matbuat vastaları: Qırımdan yaş pianinocı – «Ukrainanı 2015 senesi ayrette qaldırğanlardan»


WoMo ukrain leyhası «bu sene Ukrainanı ayrette qaldırğan» balalarnıñ cedvelini tizdi.

Belli yaş ukrainlerniñ sırasında – Qırımdan ailesi ile köçip kelgen yaş ukrain pianinocı Hrıstına Mihayliçenko da bar, leyha saytında onı «yaş Motsart» dep adladılar. Cedvelni tizgenler istidatlı qızçıq Ukraina prezidenti Petro Poroşenko elinden biometrik çetel pasportını alğan yekâne bala olğanını da hatılattılar.

Qırım.Aqiqat Hrıstına Mihayliçenkonıñ ailesi Rusiye tarafından işğal etilgen Qırımdan Kiyev vilâyetine köçip kelgeni aqqında bilidirgen edi. Öz birinci büyük yarışında Hrıstına beş yaşında ğalebe qazandı. Bu sene yanvar ayında qızçıq Felemenkte halqara pianinocılar yarışında ğalebe qazandı.

Küçük qırımlı aqqında tarif etken «Pianino for Peace» vesiqalı film noyabr 12-15 künleri Orlando şeerinde keçken «International Peace & Film Festival» festivalinde yüksek qıymetke lâyıq oldı.

Qırım Rusiye tarafından işğal etildi. Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG