Link açıqlığı

Qırımda öldürilgen faali Reşat Ametovnıñ ailesi vatandaşlardan yılbaş ediyelerini elde etti


Qırımtatar Milliy Meclisiniñ yetekçileri 2014 senesi Qırımda öldürilgen Ukraina tarafdarı Reşat Ametovnıñ ailesini kelecek yılbaş bayramı ile hayırladılar.

«Qırımatatar Milliy Meclisi reisiniñ birinci muavini Nariman Celâl, Meclis reisniñ muavini İlmi Ümerov, Avdet gazetasınıñ baş muarriri, Milliy Meclisniñ azası Şevket Kaybullayev, Qurultaynıñ Merkeziy saylav komissiyasınıñ reisi Zair Smedlâyev Reşat Ametovnıñ ailesini ziyaret etti, vatandaşlardan destek sözlerini ayttı ve balalarğa bahşışlarnı ediye ettiler», – haber ete Meclisniñ matbuat hızmeti.

2014 senesi mart başında 39 yaşında Aqmescit sakini, üç balanıñ babası Reşat Ametov Rusiyeniñ Qırım işğaline qarşı çıqıp, Aqmescitteki Nazirler şurası binasınıñ yanında bir özü piket keçirdi. Narazılıq aktsiyası vaqtında «samooborona» vekilleri onı maşinağa oturtıp, belli olmağan bir yerge alıp ketti.

2014 senesi mart 15-de Reşat Ametov ölü tapıldı. Mart 18-de Ametovnı Aqmescit mezarlığında defn ettiler. Cinaiy iş açılğan edi. Cumhuriyet yolbaşçısı Sergey Aksenov «samooborona» vekilleriniñ Reşat Ametovnıñ öldürilmesine alâqası olmağanını bildirgen edi.

XS
SM
MD
LG