Link açıqlığı

Saatnıñ esas haberi

Qırımda «fevral 26 işi» boyunca qabaatlanğanlarnıñ imayesi ceza qararlarını deñiştirmege rica ete


Qırım Yuqarı mahkemesinde «fevral 26 işi» boyunca toplaşuvlar alâ daa keçirilmekte. Olarnıñ devamında adliyeciler ceza qararlarını deñiştirmege rica eteler, dep bildire Qırım.Aqiqat.

Ali Asanov ve Mustafa Degermenciniñ imayecileri olarnı çıqış yasağı ya da ev apsi boyunca azat etmek ricası ile muracaatta bulundılar.

Degermenci boyunca resmiy ricanı mahkeme red etti, Asanov boyunca qarar daa alınmağan, mahkeme muşaverege çıqtı. Ahtem Çiygoznıñ adliyecisi de böyle arizanı bermek niyetindedir.

Aqmescitte «fevral 26 işi» boyunca bazarertesi künü birden eki mahkeme toplaşuvı keçe – Qırımnıñ Yuqarı Mahkemesi ve Aqmescitniñ Merkeziy rayon mahkemesinde. Yuqarı Mahkeme binası yanında onlarnen insan toplandı, amma toplaşuv salonına tek bir qaç insan kirip oldı, çoqusı, şu cümleden, mamahkümlerniñ – Mustafa Degermenci, Ali Asanov, Arsen Yunusov ve Eskender Emirvaliyevniñ tuvğanları kiremedi.

Rusiye taqiqatçıları olarnı 2014 senesi fevral 26-da Qırım parlamenti binası yanında Ukraina topraq bütünliginiñ tarafdarları ve «Rus birligi» firqasınıñ faalleri iştirak etken çoq biñli mitingde yüz bergen «kütleviy çatışmalarda» iştirak etüv ile qabaatlaylar.

XS
SM
MD
LG