«Qırımtatar qadın-qızlar birligini» Gasprinskiy Cumhuriyet qırımtatar kütüphanesiniñ territoriyasında yerleşken ofisinden quvalar.
Bir-eki afta evelsi ofislerinde elektrik ve qızdıruv sisteması kesildi. Şimdi ise yerni boşatmağa talap eteler. «Kütüphane reberligi böyle qarar aldı. Bizni çoqtan quvacaq olalar, şimdi ise bizni qouraycaq kişi yoq, muracaat etecek kişimiz yoq... 20 yıl devamında balalar, qartlar, öksüzlerge yardım ete edik. Muhtac insanlarğa tonnalarnen gumanitar yardım berdik», - ayta teşkilât reisi Safinar Cemileva, Ukraina prezidentiniñ qırımtatar halqı işlerinden vekâletlisi Mustafa Cemilevniñ ömür arqadaşı.
«Qırımtatar qadın-qızlar birliginiñ» hadimleri teşkilâtnı quvmaq teşebbüsi kütüphane reberligine degil, yerli akimiyette oturğan qırımtatar memurlarına ait, dep tüşüneler.
«Qırımtatar qadın-qızlar birligini» quvalar (fotogalereya)
1
Ofis Gasprinskiy Cumhuriyet qırımtatar kütüphanesiniñ territoriyasında yerleşmekte
2
Bir-eki afta evelsi ofislerinde elektrik ve qızdıruv sisteması kesildi. Şimdi ise yerni boşatmağa talap eteler
3
Qırımtatar qadın-qızlar birligi yañı qanunlarğa köre ğayrıdan qayd olmadı, amma işini toqtatmayıp toplaşqan edi
4
«Bizler balalar içün çeşit bayramlar yapa edik. Mına qaplan kostümı, bu ise «Armançıq» bala mecmuasınıñ birinci sanı çıqqanınen bağlı bayram dekoratsiyası», - dep tarif ete Naciye
5
«20 yıl devamında balalar, qartlar, öksüzlerge yardım ete edik. Muhtac insanlarğa tonnalarnen gumanitar yardım berdik», - dep ayta teşkilât reisi Safinar Cemileva
6
«Bina eski ve adiy olsa da, mında halqara teşkilâtlarnıñ temsilcileri, farqlı memleket diplomatlarınıñ apayları kele edi», - dep añlata «Birlikniñ» temsilcilerinden biri
7
«Salı künü, dekabr 29-da maşina kelecek, er şeyni yüklep çıqaracaqmız. Qaydamı? Daa bilmeyik», - dep ayta qadın ve eşyalarını toplay